آخر تحديث: 10 نوفمبر 2026

صباح مبني على مبدأ واحد: نومك يخصك، ويبقى في جوالك.

ما نجمعه

• ما فيه حساب ولا تسجيل دخول. ما نطلب اسمك ولا بريدك ولا رقمك.
• كل اللي تدخله في التطبيق (أوقات نومك واستيقاظك، خطتك، تقييم الصبح وإعداداتك) محفوظ بجوالك بس، وما يوصلنا ولا يوصل لأحد.
• ما نستخدم أدوات إحصاء. الشي الوحيد اللي يطلع من التطبيق هو قياس الإعلانات مع Meta (شوف «قياس الإعلانات» تحت).

الأذونات اللي يطلبها التطبيق، وليش

• Apple Health (الصحة، اختياري): إذا شغّلت الربط مع «تطبيق الصحة» في صباح، نقرأ بيانات نومك من تطبيق الصحة، وإذا عندك ساعة آبل نقرأ بعد نبض القلب وتقلّب النبض ومعدل التنفس وأكسجين الدم وحرارة المعصم واضطرابات التنفس. كل هالبيانات نستخدمها بس عشان نعرضها لك في تقرير الصباح وتبقى في جوالك؛ ما نرفعها ولا نشاركها مع أحد ولا نستخدمها للإعلانات. صباح يكتب في تطبيق الصحة أوقات نومك بس، وتقدر توقف هذا بأي وقت من صباح أو من تطبيق الصحة.
• الموقع: موقع تقريبي، يطلبه التطبيق بس لما تفتح بطاقة الفجر والشروق، عشان يحسب وقتهم في مدينتك على جوالك. ما نحفظ موقعك ولا نرسله.
• الكاميرا: لمهمة إيقاف المنبه بمسح رمز QR. الصورة ما تنحفظ.
• الحركة: يقرأ حركة الجوال على السرير وقت متابعة الليل، ويحسب خطواتك في مهمة 30 خطوة. ما نحفظ عدد الخطوات.
• المايكروفون: يشتغل بس في الليلة اللي تبدأ متابعتها بزر «ابدأ النوم». التطبيق يحلل الأصوات وأنت نايم (مثل الشخير والكلام) على جوالك بنفسه، بأداة Apple، وما يرسل أي صوت. إذا كان خيار «سجّل الشخير والكلام» شغّال، يحفظ لحد 10 مقاطع قصيرة (10 ثواني) بالليلة، بجوالك بس، وما تدخل بالنسخة الاحتياطية، وتنحذف لحالها بعد 30 يوم. تقدر تطفي التسجيل من شاشة النوم.
• التنبيهات والمنبهات: المنبه والتذكيرات كلها محلية في جوالك، وما تمر على أي خادم.

الاشتراكات

الدفع يتم عن طريق Apple. نستخدم RevenueCat عشان نعرف إذا اشتراكك فعّال، بمعرّف مجهول وبيانات الشراء من Apple. ما نشوف بيانات بطاقتك أبداً.

قياس الإعلانات (Meta)

صباح فيه أداة Meta (فيسبوك) عشان نعرف أي إعلان من إعلاناتنا في فيسبوك وإنستقرام جاب تحميل أو اشتراك. إذا سمحت بالتتبع لما يسألك التطبيق، يوصل Meta معرّف الإعلانات لجهازك وأحداث بسيطة (فتح التطبيق، بداية التجربة، بداية الاشتراك). وإذا ما سمحت، توصل Meta بس قياسات مجمّعة من Apple. أحداث الاشتراك ترسلها RevenueCat لـ Meta. صباح ما يرسل أبداً بيانات نومك ولا تسجيلاتك ولا بياناتك الصحية ولا موقعك لـ Meta ولا لأي أحد. تقدر تغيّر اختيارك بأي وقت من الإعدادات ← الخصوصية والأمن ← التتبع.

اللي ما نسويه

ما فيه إعلانات داخل التطبيق، ولا نبيع بيانات، وبيانات نومك وصحتك ما تُستخدم للإعلانات أبداً.

حذف بياناتك